maltar

hei fine folk. eg veit eg ikkje har lagt spor etter meg på bloggen i det siste, og slik vil det dessverre fortsette. eg er innmari opptatt med livet for tida, og prioriterer eigentleg alt anna enn blogg. skule, russetid, venner, kjæreste og familie tek mykje tid, og akkurat no velger å bruke all tida mi på akkurat dette. det her er eit viktig halvår. eg flytter til hausten, og då kjem eg ikkje til å kunne sjå dei næraste menneska i livet mitt så ofte som eg kan no. så eg må nok sei hade til bloggen. kanskje for alltid. eller kanskje berre for nokre månedar. me får sjå. men ha ein fantastisk fin vår og ein god sumar. smil mykje, dans i regnet og reis på fine festivalar.

hei. no er det lenge sidan sist. mange trur eg har slutta heilt å blogge, men slik er det ikkje. eg og bloggen min er framleis gode vener, men me treffast ikkje så mykje som før berre. tihi.

livet mitt er hoppande bra for tida. eg smiler, ler, syng og dansar meir enn på lenge. og det føles fantastisk. det er godt å vakne til at lyset snik seg gjennom gardinene og at snoen smelter under føttene mine. våren er god med meg i år. utan tvil.

bilete/privat

ser på føtene mine som er litt kaldare enn til vanleg. tenker at tida kjem til å gå fort, sjølv om eg veit det ikkje er realiteten. for slike lange turar lager kaos i eit forvirra jentehovud. kvart einaste sekund virker som ein evighet. ein evighet i tankedryss og glatte vegar. eg legg panna inntil ruta. ser på fjella og vatnet og himmelen. sola skin spesielt mykje i dag. og det er på akkurat slike dagar at eg draumer om å kunne måle. då skulle eg garantert ha måla eit fint fint bilete av sola som spegla seg i vatnet, slik som no. men flink til å måle kjem eg aldri til å bli, har eigentleg ikkje noko mål om å bli det heller. eg held meg heller til ord, eg.  så får måleria forbli i hovudet, for dei er jo nesten like fine der. eg tenker at det er mange fine ting som er øydeleggande. fine ting eg helst skulle ønske eg aldri hadde lagra som plettfrie måleri i hovudet. om me aldri hadde gått turar i mørkret med hoppande hjarte og klamme hender, ville ting vore annleis. på ein bra måte. trur eg. for du var så skremmande perfekt at eg måtte rømme. du sa dei smartaste orda og bretta kleda dine fint, og slik er jo ikkje eg. orda mine er alltid rare og ofte upassande, og kleda mine er eit einaste kaos. ja. du var for bra. så bra at du forsatt lagar kaos i tankane mine. spesielt på lange bussturar.

høyr på "shelter" av birdy. de vil kanskje få hjartet i halsen og tårer i auga. finaste finaste songen eg har høyrd på lenge.
bilete/privat

eg trur eg tek meg ei pause frå blogginga. eg klarer ikkje å skrive gode setningar og bileta blir ikkje akkurat slik eg vil ha dei. men eg kjem tilbake når inspirasjonen min er tilbake. kanskje om om ei veke, om ein månad eller kanskje fem månedar. eg aner ikkje. men eg kjem tilbake altså. det lovar eg. okei?
(bileta er lenka)

bilete er privat

tirsdag. 

litt trøytt i auga og raud i kinna. 

kanskje mest redd fordi det er mange mange dagar igjen. 

eller mest letta over at veka er i gang.

eg veit ikkje. 

det er i alle fall noko med tirsdagar. 

og det gjer meg rarare. 

(bileta er lenka)

hei og hopp fine og bra folk. i dag er det sondag og eg baker sirkuskuler. det er innmari lett og innmari godt. så tenkte de skulle få prøve å bake det sjølv, om de vil. for å lage sirkuskuler treng ein berre fem ingridiensar. havregryn, melis, bakekakao, smør og vaniljeessens. (eg fekk tjuefem ferdige kuler).

når eg lager mat eller baker, så er eg alltid så dårleg på å følge oppskrifter. eg likar best å berre bestemme litt sjølv. men i dag brukte eg ein stor kopp med havregryn. om du vil bruke ein vanleg kopp, så ta ein og ein halv.


også brukte eg ein halv kopp med melis. koppen min er framleis stor, så om du bruker ein vanleg, så ta litt meir enn ein halv.


deretter blanda eg havregrynet og melisen saman i ein bolle. også tok eg to store spiseskeier med kakao.

når du har blanda det tørre saman, så er det tid for det våte. smelt fire spiseskeier med smør, om du tek meir enn dette vil det bli heilt heilt omgleg å få til å lage kuler.


til slutt tømte eg smøret i det tørre og tok i fire-fem dråpar med vaniljeessens.


heilt til slutt laga eg kulene og lot dei stå i kjøleskåpet ein halvtime. og veit du kva? det smakte nydeleg. din tur!

bileta er private

i kveld skriv eg lister om januar og om totusenogtolv og om gutar som er fine. syns de òg bør skrive lister i kveld, for eg kan nesten garantere at dykk blir varme i magen av det. de kan skrive om alt mogleg, altså. om kvifor du hater snoen. eller om kvifor det er fint med raudt hår. eller kanskje om kvifor de har lyst til å rømme til paris. berre skriv ei liste om noko som gjer at hjartet ditt vil hoppe. okei? eg lovar at det vil gjere fredagskvelden din komplett.

(bilete er privat)